英國嘅天氣出名「terrible」，經歷過去十幾日非常温暖而且陽光普照嘅好日子，今早又結霜而且非常大霧。
除左分享Biodynamic農法，都係度分享一下人智學密修嘅內容。
根據Dr. Steiner嘅演講，沉沒左嘅亞特蘭提斯大陸位於依家嘅Atlantic Ocean。當時嘅Atlantean時期地球未硬化，空氣唔係氧氣，而且密度非常高，陽光亦因爲咁唔penetrate 得好好，唔係好開揚，水比依家嘅水稠密，所謂嘅陸地大概係浮泥咁樣。而人類未發展到依家嘅眼睛睇到好實淨嘅線條，佢地要感覺前方嘅物體，會用我地依家收左入腦裏面嘅松果體。當時嘅松果體係頭部位置好似一盞燈咁照住前面，偵察熱凍光暗，從而辨認前方有無危險。
依家人眼睛睇得清楚，而且物質世界變成靠五感去感受到世界，所以松果體退入腦內，但唔代表無用，只係人唔再運用佢，而松果體對於感受時間日夜交替，感應眼睇唔到嘅野好有用呢。