在英國已一年，完整體驗了英國四季變化。英國緯度較北，日照從秋分後逐漸減少，冬至時候最短，未夠下午四點已經日落，直到另一天早上八點先日出，每天有三分二時間係黑夜。
冬至後三日，大家都慶祝嘅聖誕節其實係慶祝太陽重生嘅日子，日照時間開始增加，立春後開始明顯，到春分後就更加日長夜短，直到夏至最長係上午四點半天光，下午十點半天黑，每天有三分二時間係白晝。
以上嘅資料好多人都係書本/電視知道，但知道同親身感受好唔同。係香港我地種過蒲公英，花形雖然好靚，但Harald老師說花很想離開，當時不明所以，依家就明啦。
蒲公英在經歷過漫長黑夜同寒冬，非常期待太陽，在立春後開花吸收太陽嘅能量，呢種模式代表住蒲公英對日照同天氣非常敏銳，高緯度地區有明顯日照差異，所種出黎嘅蒲公英雖然係同一個品種，但本質上同係亞熱帶地區嘅應該好唔同，所載嘅能量亦都唔同呢。
左圖：攝於2022年3月英國
右圖：攝於2020年3月香港