我地係2018年年頭開始租呢塊地，當時只係租一半嘅其中一級（相中有竹棚嘅位置），當時我地兩個人兩個鋤頭開田，一路開一路種，然後感覺有能力處理到就越租越多，直到2019年年中將成塊約二萬尺嘅田地租晒，一半種葉菜同草藥，一半種米同麥。
另外，我們想有效地係香港推廣Bodynamic farming，專程請來德國人Harald老師黎開工作坊，而且推行Community Supported Agriculture (CSA)，希望令香港人覺醒生產食物嘅責任，食物嘅本質同土地之間嘅關係，欣賞宇宙和大地互動嘅成果。
三年過去，沒有利潤，CSA會員收入只可以夠交田租，農夫連人工都無，屋租同生活開支只係靠積蓄，再咁落去根本撐唔住，所以唯有係仲有本錢嘅時候，去英國進修BD農法同人智學，攞返張證書，再睇下將來可以點係香港呢個好阿里曼嘅地方發展靈性科學。
我地實體係香港嘅運作已經完結，多謝各位朋友嘅支持。而塊田我地一手一腳養育，黎過田而且身質敏感嘅朋友應該感覺到田嘅Spirit，我地好唔捨得，田都好唔捨得我地，但香港未係時候，而且無實質嘅支持，我地撐唔住了。但為左令田地有最好嘅安排，我地希望能夠保留呢塊土地，揾對BD或者耕作有興趣嘅朋友做義工幫手管理土地，例如打草淋水種綠肥等等，而我地就做遙距教學同學術支援，詳情遲少少會再講，希望各位朋友可以踴躍支持，以行動保育土地。
最後，衷心感謝過去三年大家嘅支持，我地呢個專頁會繼續運作，繼續分享我地係英國進修BD同人智學嘅經歷，希望各位大家係靈性上一同進步。
後會有期。