雖然農夫先生同太太去到英國唔能夠如願進修，亦唔能夠繼續同土地工作，內心曾經抱怨，但畢竟相信上天嘅安排總有原因，待係英國嘅日子還是可以親身體驗史代納博士對地球一年四季變化對應靈性修行描述。
地球係冬季，係處於比喻人日中清醒嘅時候，以頭腦回歸自我內在嘅沉思。英國嘅冬天日短夜長，下午四時已經天黑，室外非常寒冷，大多數人都會留係屋企；樹木上嘅葉全落，減少能量消耗，當然亦因爲日照不足，再長葉作用不大。根部在温暖嘅泥土內重整同期待春天來臨，再一次為地球展現自己。
所以人智學對由平安夜開始到主顯節的12個聖夜非常重視，人好好靜思12個道德，回顧過去，展望未來，為來年做預備。
人類文明已經去到臨界點，希望大家努力回到自己內在，覺察，反省，創造有愛嘅世界。
共勉之。